REAL MADRID MABIGWA WAPYA WA UEFA CHAMPIONS LEAGUE 2017

-

Klabu ya Real Madrid ya Uhispania imeicharaza Juventus ya Italia 4-1 na kushinda Kombe la Ligi ya Klabu Bingwa Ulaya.
Mreno Cristiano Ronaldo alifunga mabao mawili, la kwanza kwake na klabu dakika ya 20 na lake la pili dakika ya 64 kutoka kwa krosi ya Luka Modric.
Casemiro aliwafungia Real bao lao la pili dakika ya 61 kabla ya Marco Asensio kukamilisha ushindi wao dakika ya 90 kwa bao lao la nne.
Juventus, waliokuwa wameanza vyema mechi hiyo wakikuwa wamekomboa bao la kwanza la Ronaldo dakika ya 27 kupitia Mario Mandzukic na kufanya mambo kuwa sare wakati wa mapumziko lakini kipindi cha pili mawimbi yaliwageuka.
Nguvu mpya wao Juan Cuadrado alipewa kadi ya pili ya manjano dakika ya 84, baada ya kukaa uwanjani dakika 18 pekee.
Gareth Bale aliingia kwenye mechi hiyo kama nguvu mpya dakika ya 77, mara yake ya kwanza kuchezeshwa mechi ya ushindani tangu 23 Aprili.
Real Madrid wamefanikiwa kuwa klabu ya kwanza tangu AC Milan (1989, 1990) kushinda Ligi ya Klabu Bingwa Ulaya/Kombe la Ulaya misimu miwili mfululizo, na ni mara yao ya 12 kushinda kombe hilo.
Mwaka huu ni mara ya tatu kwa Real Madrid kufika fainali katika misimu minne.
Juve ndiyo klabu pekee ambayo ilikuwa haijashindwa mechi yoyote msimu huu Ligi ya Klabu Bingwa Ulaya, klabu ya kwanza tangu Atletico Madrid mwaka 2013/14 kufika fainali bila kushindwa.
Real Madrid nao walikuwa wamefunga kila mechi kati ya mechi 12 walizocheza Ligi ya Klabu Bingwa Ulaya msimu huu.
Kushindwa kwa Juventus ni pigo kubwa kwa nahodha wao, mlinda lango Gianluigi Buffon, 39, ambaye hajawahi kushinda Ligi ya Klabu Bingwa Ulaya.
Kabla ya mechi, alikuwa amesema ushindi ungekuwa na maana kubwa sana kwake.

Comments

Post a Comment

Popular posts from this blog

DIVOCK ORIGI AZUNGUMZA KISWAHILI BAADA YA MECHI

-
Image
Kwa wapenzi wa Soka Afrika Mashariki jina la Divock Origi haliwezi kuwa geni kwao, huyu star wa soka anayeichezea Liverpool ya Uingereza lakini asili yake ni Kenya ambako pia baba yake mzazi aliwahi kuwa mchezaji maarufu. Baada ya kumalizika kwa game kati ya Liverpool na West Ham, Divock alizungumza na mtangazaji wa BBC Salim Kikeke na lugha iliyotumika kwenye mahojiano yao ilikuwa Kiswahili.
Read more

TAARIFA MBAYA MASHABIKI WA MAN UNITED KUHUSU JUAN MATA

-
Image
Kiungo wa kimataifa wa Hispania anayeichezea Man United ya England Juan Mata jina lake limerudi kwenye headlines baada ya kufanyiwa upasuaji wa groin, Mata ambaye mwanzoni mwa wiki hii alikuwa akilalamika mazoezini kuwa anasumbuliwa na groin amefanyiwa upasuaji. Taarifa zilizotoka usiku wa March 31 2017 kuhusu kiungo huyo ni kuwa upasuaji wake umeenda salama lakini kutokana na tatizo lake, kuna uwezekano mkubwa wa kukosa mechi zote za kumalizika za Man United tofauti na awali alivyotazamiwa kuwa anaweza kukosa mechi tatu tu.
Read more

TOP TEN YA VILABU VYENYE THAMANI KUBWA DUNIANI

-
Image
Washindi wa  Europa League  msimu wa 2016/17  Manchester United   ya  England  imetajwa kuwa Klabu yenye thamani zaidi 2017 ikizipiku miamba ya  La Liga  Real Madrid  na  Barcelona  zilizokamata nafasi ya pili na tatu. kwa mujibu wa  KPMG. Katika utafiti uliohusisha bei za matangazo, faida inayopatikana kwa mwaka, umaarufu, uwezo wa kimchezo na umiliki wa uwanja miongoni mwa klabu 32 za Ulaya, United imeibuka kinara kwenye list hiyo ikiwa na thamani ya  euro 3.09b. Nafasi ya pili inakamatwa na mabingwa wa  La Liga   Real Madrid  yenye thamani ya  euro 2.97b  huku  Barcelona   wakiwa katika nafasi ya tatu wakiwa na thamani ya  euro 2.76  ambapo katika  Top Ten  England  imeingiza klabu Sita ikifuatiwa na  Uhispania  yenye timu Mbili huku  Ujerumani  na  Italia  zikiwa na klabu moja moja kila nchi.
Read more